Internet sa bawat barangay isinulong sa Kongreso

Isinulong ni Manila Teachers Partylist Rep. Virgilio Lacson ang pagkakaroon ng mga internet hub sa bawat barangay na may kumpletong kagamitan at internet hindi lamang para sa mga estudyante kung hindi pati na rin sa ibang residente na gustong gumamit nito.

Isinumite niya ang House Bill No. 7398 o ang Barangay Internet Hubs Act para sa libreng internet sa bawat mamamayan upang matulungan silang magkaroon ng pagkakataong mag-aral at matuto, alamin ang mga mahahalagang balita at palawigin pa ang kanilang kaalaman at kakayahan.

Sa kanyang explanatory note, sinabi ni Lacson, Chairman ng House Committee on Micro, Small and Medium Enterprise Development, na ang COVID-19 pandemic ay nagdulot ng maraming hamon sa mga mag-aaral, propesyunal at indibidwal pagdating sa kanilang edukasyon at career development.

“Sa ngayon, naging isa na sa mga pangunahin pangangailangan ang internet connectivity para sa ating kaalaman,” ayon sa mambabatas.

Dahil dito, bibigyang daan ng HB 7398 ang paglalagay sa bawat barangay ng mga electronic gadgets at libreng kuneksyion sa internet at WiFi.

Sa ilalim ng panukalang batas, ang mga ito ay para magamit ng mga residente sa pag aaral, paghahanap-buhay at self-improvement.

Kabilang na sa panukala ang mga naunang internet hub na nasa mga barangay na ngayon na nilikha ng kani-kanilang mga barangay ordinance.

Ang kinakailangang pondo para maisakatuparan ang panukalang batas na ito ay manggagaling sa annual appropriations ng mga local government units (LGUs).

Ang Secretary of Department of Interior and Local Government (DILG) at ang Secretary of the Department of Information and Communications Technology (DICT) ang siyang magsasagawa ng implementing rules and regulations nito sa loob ng 90 araw matapos itong magkabisa. (Translated from MANILA BULLETIN) Photo from dreamstime

Paano maging ama ng isang barangay sa gitna ng pandemic

Father’s Day interview ni YouTube Vlogger Glenda Resurreccion kay San Antonio Pasig Barangay Chairman Thomas Raymond Lising. Reposted from YouTube. 

Mga batang mag-aaral sa isang Barangay sa Daet salitan sa paggamit ng face mask sa graduation program

Sa Baragay Dogongan, Daet, Camarines Norte, ilang estudyante ang nagsalitan sa paggamit ng face mask sa isang programa para sa kanilang pagtatapos.

Ayon sa isa sa mga estudyanteng tumanggap ng diploma, matapos silang makuhanan ng retrato, pinatanggal ng guro ang face mask at muli siyang kinuhanan nang walang suot na mask.

Tinawag umano ng guro ang isa pang estudyanteng naka-toga at ipinasuot naman ang face mask na una nang ginamit ng kamag-aral.

Ayon sa guro nakiusap lang umano ang mga magulang na makuhanan ng retrato ang mga anak ng mga ito.

Isinabay rin umano sa pamamahagi ng diploma ang pagbibigay ng report card at certificate of good character.

Ayon sa infectious disease specialist na si Joey Rañola, delikado para sa kalusugan ng tao ang pag-share ng face mask.

"The act na pinagpalit-palit nila, it's actually unhygienic," ani Rañola.

"Kaya nga naglalagay tayo ng mask para kung halimbawa mayroon kang virus galing sa laway mo, hindi mo mai-share sa iba," paliwanag niya.

Hinihintay ngayon ng regional office ng Department of Education ang pormal na ulat tungkol sa insidente para makapagsagawa sila ng karampatang aksyon. (Nilalaman hango sa ABS-CBN News) Photo: CNN

Kabaong idinispley sa harap ng tanggapan ng Barangay San Isidro sa Lungsod ng Parañaque

Bilang paalala (o panakot?) sa mga residente na kumukuha ng medical at travel pass sa barangay hall, naglagay ang mga opisyal ng Barangay San Isidro sa Lungsod ng Parañaque ng isang kabaong sa harap ng kanilang tanggapan na may nakalagay na karatulang "stay at home or stay inside" para mapasunod ang mga ito sa mga social distancing protocols na pinag-uutos ng pamahalaan. (Balita at mga larawan hinango mula sa Facebook page ng Philippine Star.)

Love triangle posibleng dahilan ng pamamaril ng barangay kagawad sa Cavite

Tatlong katao ang napatay sa Dasmarinas, Cavite noong Sabado matapos na mag-amok ang isang barangay kagawad.

Ayon sa isang ulat ng "24 Oras Weekend," ang mga biktima ay isang ama, anak na babae, at kapatid.

Sinubukan ng suspect na si Reyanldo Bucal na tumakas ngunit nahuli rin siya ng mga awtoridad.

Sinisiyasat ng mga imbestigador ang posibleng love triangle bilang motibo sa pagpatay dahil sa isang text message na natagpuan sa isa sa mga biktima mula kay Bucal tungkol sa di umano’y kaugnayan nila.

Ang suspect na  nahaharap sa kasong murder ay tumangging magbigay ng pahayag. (Content and video reposted from GMA News Online)