Iniutos kamakailan ng tanggapan ng DSWD Region 2 sa Tuguegarao, Cagayan sa lahat ng Municipal Advisory Councils sa Region 2 na magkaroon ng mga Barangay Complaint Desks para harapin ang mga reklamo sa lugar tungkol sa Pantawid Pamilyang Pilipino or 4Ps.
Sinabi ni Maricel Asejo, Information Officer ng nasabing tanggapan, marami silang natatanggap na reklamo tungkol sa programa at ang mga naging gawi ng mga nakatatanggap ng benepisyo.
“Sa pagkakaroon ng mga complaint desks, mabilis na matutugunan ang bawat reklamo ng mga beneficiaries at magawan ng agarang aksyon” sabi ni Asejo.
Sinabi rin niya na isa sa mga bunga ng pagsasakatuparan ng programa ay ang pagpapalakas sa kakayahan at maisulong ang magandang pagtitinginan ng mga pamilyang nakatatanggap.
Karamihan aniya sa mga reklamong kanilang nahaharap ay may kinalaman sa pagtrato ng mga kalalakihan sa kanilang asawa na siyang tumatanggap ng mga benepisyo. Bukod dito, nabanggit din niya ang pagkakasangkot ng mga ito sa bisyo tulad ng sugal at awayan ng mga pamilya.
“Ito ang mga halimbawa ng mga reklamong idinudulog sa amin” dagdag pa niya.
Ang complaint desk ay kinabibilangan ng mga kinatawan mula sa Municipal Local Government Office, Municipal Social Welfare and Development, Punong Barangay, Municipal Link at ang Parent Leader. (Philippine Information Agency)
Sana magkaroon ulit ng screening s 4P's para ang mabigyan ay ang mga deserving tlgang mhihirap kasi base s nkikita ko kramihan tlga ay my mga kaya s buhay ang mga myembro kramihan ay nsa abroad pa..
TumugonBurahinSaan po dapat magreklamo kasibpo ung nanay ko wala pong natanggap ngayon sa ibinibigay ng DSWD?
TumugonBurahinAyon sa isang beneficiary ng 4P's sa barangay Marader, Talayan, Maguindanao na takot lumantad at makilala. Ang kanilang matatanggap sana na halagang P3,650 ay binawasan at ang natanggap nalang nila ay P1,500 lamang at yong binawas ay SOP daw yon. Di umano ay mayroon pang kasamang banta na wag daw magsusumbong kundi wala na silang matatanggap sa susunod. Ayan ho ang mga remnants ni Andal Ampatuan na nabubuhay sa corruption.
TumugonBurahin